Pe toeitiiti ‘afa miliona o tagata Ausetaia o le a maua se faamāmā avega mo le totogiina o pili moli a o taumafai ai le faigamalo e tali atu i le faatupulaia pea o le tau o le eletise.
O i latou uma o tagata matutua, Commonwealth Seniors e iai a latou health card o le a maua le oo atu i le 500 tala Ausetalia e fesoasoani ai ia latou pili moli e pei ona saunoa iai le minisita o auaunaga lautele, Amanda Rishworth.
O loo iai vaega ua faatulaga e le malo e fua agai iai le agavaa o le tagata i nei faamāmā avega ma e fetuunai lava e fua i le aofai o le tupe maua mo tagata taitoatasi poo se aiga foi.
Fai mai le malo ua fuafua o lenei faatatau e tatau ona oo atu i le 2026-2027 ua penefiti ai le tusa ma le 52 afe o tagata matutua.
E amata ona mafai ona talosaga mo ia fesoasaoni i le masina o Iulai o le tausaga nei lava.
