E toatele tagata Kiwi e le o talitonuina le lelei ona vaaia o o latou tuaa pe a auina atu i nofoaga o loo nonofo ai tagata matutua.
I suesuega na faia ma toe faailoa e le Newshub o loo iloa ai o le 80% o tagata Niu Sila e le atoa lo latou talitonuga o loo lelei ona vaai.
A toe tepa i le tausaga talu ai e silia ma le 1,200 moega poo avanoa tapunia i nofoaga nei ona o le utiuti o le aufaigaluega, ma o lea ua sau tala e tusa ma le tasi le afe ni tausimai o loo su’e.
Ua toe molimau ai se tasi o tausimai o ia foi o le tamaitai pule i se tasi o fale o tagata matutua, e le o faigofie i le aufaigaluega ae sili ai aiga o tagata matutua o loo latou tausia.
Ae na saunoa le Palemia Chris Hipkins, o se tasi lea o galuega o loo faigata ma o loo vaavaai pea iai le malo i le faaleleia o totogi o tagata o loo galulue ai.
