Ua maitauina le siitia o le aofai o tagata ua silia ma le tai 65 tausaga o le soifua o loo faigaluega pea lava i le taimi nei e aunoa ma se litaea.
O se suesuega na faia e le Agecalculator.com ua iloa ai o Niu Sila o loo iloa ai lea tulaga ma e lona fā i le faatulagana o atunuu e 10 pito i luga o loo tulai mai ai lea tulaga.
Fai mai le RNZ e ui o le superannuation a le malo e amata ai i le 65 peitai o loo vaaia pea le faigaluega pea o i latou ia.
Fai mai o lea tulaga e atagia ai le iai o ni suiga lelei i faiga faavae e faatatau i le litaea mai galuega e pei ona faatulaga mai i le 24 tausaga talu ai.
I nisi atunuu e iai le tausaga faatapulaa e tatau ai ona litaea ae i Niu Sila na mananao le National e siitia le tausaga e litaea ai i le 67 amata i le 2044 peitai o le Leipa na finau pea e faatumau i le 65.
Ua ta’ua i le lipoti o se tulaga faatulagaina sa iai mo le litaea ai o le tagata faigaluega sa aveesea i le tausaga e 2000.
Puna o Faamatalaga: https://www.rnz.co.nz/news/business/515248/new-zealanders-over-65-staying-in-paid-work-longer-to-transition-into-retirement
