Ua faia nei se suesuega pe aisea ua toatele ai fanau le aooga a Niu Sila pe a faatusa i isi atunuu.
Ua maua i suesuega a le Ofisa o le Education Review e ui o lea na aafia aoga a fanau ona o le Koviti, ae e iai aafiaga i luma atu a o lei tupu le faamai.
I le va o le 2015 ma le 2019, na pa’ū mai le 70% i le 58% fanau e o i aoga i aso uma ma ua pa’ū ai tele Niu Sila pe a faatusa ia Ausetalia e 73% ma Peretania i le 87%.
O le 44% o matua e le o popole tele i le misi o le vaiaso atoa e tasi o aoga a fanau i totonu o le kuata.
Ua sau ai ma le tala mai le ofisa ua moomia le faia o se suiga vave ina ia unai fanau i aoga, atoa ai ma le faatāua o le matafaioi a matua.
O le toatele foi o matua ua ave le faamuamua i isi mea, ae o le 2/3 ua sili atu le tuu o fanau i le fale e vaai isi fanau o loo i le fale, o faalavelave faaleaiga, tuatuagia faaleaganuu poo le o foi i tafaoga.
E ese mai i le faatamala o matua, o nisi foi o fanau e le fia o i aoga ona o le lē lavā, bully atoa ai ma le lē fiafia i faiaoga.
O le tele o nei aafiaga o loo pa’ū lea i luga o fanau Maori ma Pasefika.
