I se tasi o ripoti mai suesuega na suesueina ai fale i totonu o Niu Sila o loo maua ai e latalata i le 40% o tagata Pasefika o loo nonofo i fale e laiti pe a faatusa i le aofaiga o tagata o aiga.

Ripotia foi e iai nisi o aiga e oo atu i le toasefulutolu tagata e nonofo i le fale e tasi.

I lea toatele o loo fai mai le ofisa o faamaumauga e iai itu e lelei ai, e iai foi itu e faalelelei pe a tuu mai i le itu tau soifua maloloina.

Molimau ai foi Sarah Drake o le Stats NZ, o le itu e faigata ai mo aiga Pasefika o le lē lava o le fesoasoani mo i latou aemaise lava i totonu o Aukilani, ma o le mafuaaga lea ua agai atu ai isi aiga i isi aai e faamautu ai ona e fai o le sue gata o le fale e fetaui ma le toatele o le aiga, ae a maua foi ua taugata tele.

O le 65% o tagata Pasefika o loo nonofo i fale mautotogi poo fale rent, ma o le silia ma le ‘afa o i latou nei o loo faaofiofi i fale ua moomia ona toe faaleleia.