E tasi lava le pepa o le powerball ua manumalo nei i se tasi o faailoga aupito i telē o le taaloga o le Powerball i le atunuu, e 150 miliona talā. Lipotia e le 9news, e tasi lava le pepa lea na faamanuiaina peitai e lē o iloa poo ai ua manumalo ai.
O le pepa na faatauina, ae e lē o resitala le suafa o le tagata i luga o upega tafailagi e ono iloa ai e le ofisa, o lona uiga e lē iloa tonu poo ai ua faamanuiaina sei vagana ua oo ane ma le pepa malo.
Taua e sui o le Ofisa e faatautaia nei taaloga, o le pepa malo na faatau i se tasi o faleoloa i Adelaide.
Puna o Faamatalaga: https://www.9news.com.au/national/powerball-150-million-draw-winning-numbers-single-south-australia-entry-wins-division-one/61829221-b7e5-4a2d-bf2d-3f2bd66bdf9f
