E toatasi le tagata ua faamaonia ua maliu ma isi o loo manunua ise faalvelae na sasao ane ai se afi ise fale o se aiga I Kuiniselani ile vaveao analeila. O lipoti a le ala ata 7 ua taua ai o loo masalomia sa susunu e se tagata le fale I Logan ile itu I saute o Brisbane.
Fai mai e taunuu atu le tineimu ua pau le taualuga o le fale ae na maua ai le tinomaliu o se tamaitai e 31 tausaga, fai mai e iloa e tagata sa iai ile fale ae le nofo ai sia tamaitai I le fale lea. O se alii e 30 tausaga ua lipotia ua auina atu ile falemai Royal Brisbane e 90 pasene o lona tino ua aafia uma I le afi.
O leisi tamaitai e 30 tausaga ma tamaiti e toatolu na maua atu iai I le fale, fai mai lipoti o tamaiti e amata mai I le 2, 3 ma le 5 tausaga le matutua. E lei iai ni manuaga I tamaiti ae sa aveina pea mo siaki I le falemai. Fai mai leoleo mai Kuiniselani o loo masalomia le faalavelave lenei ma o loo faagasolo nei suesuega.
O le faaitu lea o Logan e fai foi si toatele o tagata Samoa e aumau ai.
