I totonu o le 8 aso sa aveina atu ai ni talavou se toaono i le vaega o fesoasoani faavavave i Niu Sa Uelese i le masina talu ai ona o le faaaogāina o vapes.
Ta’ua i le lipoti sa o latou faalogoina āuga e pei o le ma’i lili, matapogia ma le faasuati tulou ma o faamatalaga ia ua faamauina i le Sydney Morning Herald.
Fai mai na logo ai e le NSW Health fomai mai setete e tusa o le mataupu lea ma e talitonuina o le toatele o i latou na aafia i le tulaga lea e i le itu i Saute i Sisifo o Sini.
O nisi o vapes e pei ona ta’ua sa faatauina mai luga o le social media platform o le snapchat ma o suesuega sa faia ua iloa ai o loo aofia ai ma le nicotine i lea oloa ae o le tulafono a Ausetalia i le mataupu faapea e faatoa mafai ona faataga le faatauina pe afai e iai se talavai.
E solitulafono le faatau o vapes i soo se tasi e i lalo o le 18 tausaga le matua.
