E toaono tagata na sii ane i le vaalele agai i le falemai mai se vaega na faia ai le malafoni, o le ultra marathon e lata i Arrowtown.
O lipoti mai le Maritime NZ ua ta’ua ai na muai o latou maua le faailo i le ta o le tasi i le vaveao ma maitauina ai isi beacons e 9 ua faaola ane ma iloa ai e iai se faaletonu ua tulai mai i lea faamoemoe.
O se sooupu mai le Queenstown Lakes Hospital lea na ave iai tagata ua aafia ua ta’ua ai o loo manuia uma. A itiiti mai pe ā ma le 110 tagata sa iai i le nofoaga lea mo le faataunuuina o lea ituaiga malafoni.
O le mamafa o timuga ua pa ai ma le vaitafe le Arrow River ua mafua ai ma le faaletonu i le faataunuuina o lea malafoni.
O le Aso Faraile o le vaiaso nei o loo ta’ua mai e lagi lelei ai le tau ae le o iai se tulaga o mautinoa mai i se fetuunaiga o le a toe faia i lea foi faamoemoe pe toe faaauau pe o le a faaleaogaina loa.
