To’alua sui o le aumalaga a le Palemia ua faamaonia ua maua i le Koviti, ma e lē o iai se suiga i le taimi nei i le feiloaiga a le Palemia ma le Peresetene o Amerika. 

O le sui lona lua ua faamaonia o Chris Seed o le matagaluega a le va I fafo e ese ai Andrew Campbell o le ofisa o le Palemia lea na muai faamaonia ma nofo ai i San Francisco. 

O le taeao o le Aso Lulu lea o loo fuafua e feiloai ai Jacinda Ardern ma le Peresetene ia Joe Biden, ma e ese mai sui e to’alua o le aumalaga ua maua i le faama’i, ae o loo manuia uma le isi vaega o le aumalaga ma o loo faaauau pea le faia o siaki a o le’i faaauau a latou faigamalaga.