E to’alua ni tagata ua maliliu ma le isi to’avalu o loo manunu’a i se faalavelave na lipotia mai i Michigan Amerika i le nofoaga o le a le Ekalesia o le ‘Au Paia o Aso e Gata Ai, i le faaitu o Grand Blanc i Michigan.
Tā’ua e leoleo e toatasi le isi o loo matua’i tigāina ma o le faalavelave na tafana ai e lē o loo tu’ua’ia o Thomas Jacob Sanford, tagata i le nofoaga lea ma afua ane ai ma se afi pei ona faailoa e le BBC.
Ua maliu ma le alii o Thomas pei ona tu’ua’ia ae e lē o iloa e leoleo le mafua’aga ua ia faatino ai lea gaioiga.
O loo tālia se lipoti au’ili’ili mai leoleo i se taimi ae ua saunoa le Peresetene o le atunuu, Donald Trump i le faanoanoa i lea faalavelave ma ua feagai nei le FBI ma le suesuega.
O nisi lipoti ua tā’ua ai o lē ua maliu sa avea ma maligi peitai o loo taumate pea le mafua’aga ua ia faatino ai lea soligatulafono.
Puna o Faamatalaga: https://www.bbc.com/news/articles/ceq2vd15glwo
