E toalua ua maliliu ma le toaono o loo manunua i ni faalavelave tau taavale se lua i le asō i le setete o Vitoria.

O se tamaitai na maliu ma se alii o loo tau faaola i le falemai na lavevea ina ua fetoai taavale e tolu i se fetaulaiga ala i le itu i Matu o Melepone poo le lata i le 8 i le taeao analeila.

Fai mai o le alii sa aveina le taavale na ave ane i le vaalele agai i le falemai ma e tigaina, ae e toatolu isi o loo manunua.

E toalua tagata matutua ua ave atu i le falemai atoa ai ma se tamaititi.

O le tea o le ono i le taeao na uma ai le soifua o se tamaitai ma tagata e toalua na manunua i le fetaulaiga ala lea i le itu i Sisifo o Vitoria.

O lē ua maliu o le pasese a lea taavale. O isi alii e toalua sa aveina atu i le falemai i Balarat ma Geelong.