E toalua alii ua maliliu ina ua agai sa’o se taavale i se laau le itu i Saute Sisifo o Melepone.
Fai mai na agai ane le taavale mai Kimpton Way i Altona o se nofoaga o loo iai pisinisi, faafuasei ona tifa i tua le taavale ma le auala ma agai sa’o i se laau poo le toe 10 minute i le 7 i le afiafi ananafi.
Agai atu iai le vaega o fesoasoani faavavave peitai e lei mafai ona faasaoina le avetaavale ma lana pasese, o alii uma e tai 26 ma le 24 tausaga le matutua.
O le faamatalaga a le satini sinia o Andrew Wheelan e lē o ta’ua ai pe moni o le saosaoa se isi mafuaaga o le faalavelave.
Ua uunaia e leoleo avetaavale ia faaeteete i luga o alatetele ma ua valaau foi i nisi e silafia ni faamatalaga o le faalavelave lea ina ia fesootai ane.
