E toalua tagata ua maliliu o se alii ma se tamaitai ona o se faalavelave tau taavale fetoai ai taavale e lua i luga ole Lincoln highway i Ausetalia i Saute.
Na logoina leoleo ma agai ane ai i lea nofoaga i le Eyre Highway poo le afa o le fitu i le taeao analeila. O se tamaitai 37 tausaga mai Whyalla ma le alii e 35 tausaga mai lea lava faaitu na maliliu ai.
O le tamaitai na faafoeina le Toyota Rav 4 ma le alii na aveina mai le Toyota Hilux . O ave taavale uma e lua ua maliliu ma o loo faia nei iai suesuega a leoleo. Ua tapunia le Lincoln Highway ma ua faaui ane taavale i le isi faaitu ao faia suesuega.
