E toalua ni avetaavale na aafia i ni fao na tafana mai se loli na pasi ane i luga o se Highway i Niu Sa Uelese ma ua faamaonia mai e leoleo lea faamatalaga.
O le isi tagata o se alii e 52 tausaga na agai i Matu o Niu Sa Uelese i le M1 e lata i Ourimbah i le aoauli ananafi ae faalogoina ai se mea o tau i lona ulu ma tau le mafai ai ona faatonutonu lana taavale.
Na ia vaaia se pasese a se loli o pasi ane o faalagolago mai fafo mai le loli lea ma tafana agai mai i lana taavale o le SUV se fana fao sa ia faaaogaina mai ma sa faaleaga ai ma le faamalama o lana taavale.
E tupu mai le faalavelave lea ae faatoa mae’a atu foi i ni nai minute ona lipotia ane i leoleo o se isi foi avetaavale e 57 tausaga le matua na fana foi e le tagata i le fana fao e lata i Somersby ma aafia ai lona lima, na tau fai lipotia uma e avetaavale ia o le loli Mitsubishi lanu paepae lea na pasi ane ae tafana mai ai fao.
Ta’ua e le alaata 7 na maua le loli lea i se kapaka pe a ma le 10 minute mulimuli ane, pue ai loa e leoleo ma se alii 19 tausaga le matua ma molia i moliaga e 7 e faatatau i lenei faalavelave.
Ua taofia i le vaaiga a leoleo ma o le asō ua lipotia e tulai ai i le faamasinoga faalotoifale i Wyong.
