O su’esu’ega a leoleo i le vevesi a nisi o fanau a’oga i le nofoaga faatali pasi i Savalalo i le amataga o le vaiaso ua molia ai fanau a’oga e to’alima.
Ua faailoa e le Komesina o leoleo lea taunuuga o su’esu’ega i se lipoti ma ia faailoa ai foi, o le Aso Lua sa feiloa’i ai leoleo ma sui o pulega o ia kolisi e lua.
O se feiloa’iga sa talanoaina ai nisi auala e tausia ai le filemu ma taofia ai le toe aliali mai o ia vevesi, ona e foliga mai o taumafaiga sa iai muamua e taofi ai le femisaa’i o fanau a’oga, e lē o aogā.
Ua faailoa ai foi e le Komesina ia Auapaau Logoitino Filipo i le lipoti a le Samoa Observer, se atugaluga o le aiga o se tama a’oga na faamanu’alia i lea vevesi ona o le salalau i le api o foliga o se tala ua fano le ola o lea tamaitiiti, ae e lē sa’o lea faasalalauga.
