Na o le to’aiva tausima’i na faatalosaga mai e fia omai i Niu Sila i lalo o le polokalame fou o loo faatalosagaina ai visa nofomau.
O faamaumauga nei mai le matagaluega o galuega e oo mai i le aso 28 o Iulai, ma e faapea na faamauina i totonu o le fā vaiaso muamua.
Ua faaalia ai e tausima’i ua na o se vaega o le aofa’iga o le aufaigaluega o loo moomia, peitai mai le minisita o le soifua mālōlōina Andew Little e lē o atoa faamaumauga o le masina o Iulai, ma e faato’ā sa’o nei faamaumauga i le faai’uga o le masina lenei o Aokuso.
O le suiga fou lenei faaopoopo a le malo o loo mafai ai ona agavaa tagata maualuluga agavaa ma galuega o loo fia omai e faigaluega i galuega o loo faigata ona maua nisi tagata faigaluega e aofia ai tausima’i e faatalosaga mo avanoa nofomau.
Mai le New Zealand Nurses Organisation o loo faanoanoa i le faai’uga, ma o le itu faigata ona o lea ua to’atele tausima’i ua o i atunuu i fafo ona e lelei atu totogi.
Ua sau ai ma le talosaga e moomia le lelei o totogi faapea auala o loo faatino ai galuega a tausima’i i Niu Sila ina ia tosina mai ai tausima’i mai fafo e omai e galulue iinei.
