O le osofa’iga a leoleo i le po o le Aso Tofi na te’a nei ma pu’eina ai Toese Tuuaga sa sa’ilia i se tusi saisai ona o nisi solitulafono, ma le vevesi sa lipotia mai le malaevaalele i Faleolo, o lea ua faailoa e leoleo e to’afitu isi tagata na pu’eina ma taofia ai mai lea osofa’iga.
O ia tagata o loo tuua’ia i lo latou fesoasoani e faalafi le alii o Toese a o sa’ilia i se tusi saisai, ma le mataupu i le malaevaalele i Faleolo o loo tuua’ia ai i le faapāpā e lea tagata o se laaumalosi.
O loo faagasolo su’esu’ega a leoleo i lea mataupu.
