E toafā talavou, o le aupito matua o i latou ia e 14 tausaga, ua pu’e uma e leoleo i le mae’a o nisi o mataupu o loo feta’ua’ina ai le faaoolima i tagata ma le gaoi i West Auckland.
Ua lipotia e le One News o loo feta’ua’ina e leoleo o le kulupu lea na faatinoina nisi o soligatulafono i faaitu e pei o New Lynn, Henderson ma Westgate.
Na saunoa le asiasi leoleo o Kelly Farrant i lea lipoti e faapea, na iloa e leoleo i latou ia o fai a latou matapulepule i le taeao ananafi a o faia le latou suesuega i se mataupu na tupu i le Aso faraile talu ai.
Fai mai e toalua e tai 13 tausaga le matutua ma ua fuafua e tutulai i le faamasinoga o talavou i Waitakere i le faaiuga o le masina nei i moliaga e tele o le gaoi.
O le isi e 12 tausaga ma le 14 tausaga ua tuuina atu i le Youth Aid e iai foi moliaga o le gaoi ma le faaoolima.
Ua ta’ua la e leoleo o le a faatoateleina pea malu o le malo i faaitu ia mo le mataituina o mataupu e aofia ai talavou ma o loo galulue faatasi ai ma a latou paaga le Transport ma le Auckland Council faapea foi ma pulega o aoga.
Puna o Faamatalaga: https://www.1news.co.nz/2024/05/14/four-young-teens-arrested-after-new-lynn-assaults-robberies
