E lua faalavelave tau taavale na lipotia mai e le matagaluega o fela’ua’iga, ma o le faalavelave e latalata i le itula e 7 anapo na tupu i luga o le SH63 i Wairau Valley lea ua ma’umau ai soifua o tagata e toalua.

E ese mai i tagata maliliu, o le isi toalua o loo iai nei i falemai i se tulaga tigaina.

Pe a ma le tasi le itula mulimuli ane ae lipotia mai foi le isi faalavelave i Timaru ma e toalua foi ua faamaonia mai e leoleo ua uma ai soifua.

O loo faaauau pea suesuega a le ofisa i faalavelave nei ma ua atoa ai le toavalu o tagata maliliu i luga o le alatele a o iai i aso fiafia o lenei tausaga.