I lipoti lata mai a  le Matāgaluega o le Soifua Mālōlōina ua faailoa ai le oo atu i le  to’a 36 i latou fou ua pesia ai i le siama o le Koviti19, e tusa ai ma fa’amaumauga mai i le Aso 04 e agai atu ile aso 11 o Setema, 2022.

I ia faamaumauga ua si’itia ai le aofa’i o e ua a’afia i le fa’ama’i i le to’a 15,925. Mai i lea fuainumera, e 15,746 i latou ua fa’amaonia le pesia ai mai le mamalu lautele o le autnu’u (community transmission) ma le to’a 179 oi latou na faimalaga mai i totonu o Samoa ua a’afia i le fa’amai (border cases).

Ua fa’amauina mai foi e le Matagaluega o le Soifua Maloloina, e to’a 3 o lo’o fa’ataotolia mo le taimi nei i le Maota Gasegase i Moto’otua.

E tumau pea fautuaga mo le atunu’u e ala i le usitaia o puipuiga e pei o le faia o puni fofoga ma le 2mita vāvā mai le isi tagata ina ia tausisia pea fautuaga mai le Soifua Maloloina e tu’uina atu i taimi uma.