E to’a 10 talavou ua pu’eina e leoleo i le mae’a ai o ni osofa’iga na faaaogā ai ni taavale i le taeaopo analeila. Lipotia e le One News se faamatalaga mai leoleo ae lei tāina le tasi i le vaveao na faaaogā ai se taavale gaoi e ulufale ai i se Dairy i Lake Rd Belmont.
E talitonu leoleo o le matutua o i latou na aofia i lenei osofa’iga e mai le 12 i le 17 tausaga le matutua, ma ua ta’ua foi na ulufale i latou ia i le faleoloa ma aveesea mai aitema a o le’i sosola ese i isi taavale e lua.
Ua lipotia foi na faaleagaina ai ma taavale a nisi o le mamalu o le atunuu ina ua sosola ese mai i latou mai lea nofoaga. E to’aono talavou o le a tuuina atu i le Youth Aid ma le isi to’afā ua fuafua e tulai i le faamasinoga o talavou.
