E tigaina manuaga o si tagata faigaluega o le paramedic lea na osofai e le tagata i le fale’aiga o le McDonalds i Campbelltown i le taeao analeila.
Fai mai leoleo na taunuu atu i le nofoaga lea i Queen St i Campbelltown poo le ‘afa o le 5 i le vaveao ina ua lipotia ane lea faalavelave, fai mai o lē ua aafia pe ā ma le 30 tausaga le matua, na tali ane i le valaau mo se fesoasoani i le fale’aiga ae aafia ai ina ua osofai e se tagata.
Na togafitia ai i lea nofoaga ma auina atu i le falemai i Liverpool ae le o faia i le taimi nei se faamatalaga mai le pulega o le NSW Ambulance.
Na pueina mai ai e leoleo se alii i le taeao analeila ma aveina atu i le ofisa o leoleo mo suesuega.
Sa faatonuina tagata ia alofia le afea o lea nofoaga a o faaauau ai suesuega.
