O le falemai o John Hunter i Newcastle lea o loo togafitia ai si tamaititi 8 tausaga lea na aafia mai manuaga ina ua fetoai le taavale na iai i totonu ma se isi taavale.

O le faamatalaga e faapea o le tamaititi sa i totonu o le taavale na malaga atu ai ae sosoa atu loa e le isi taavale ma manua tigaina ai le tamaititi ae o loo feta’ua’ina o le tagata na malaga atu i le isi taavale e ova le faasuaava. 

O leoleo mai le Central Coast ua o latou ta’ua o le tamaitai le avetaavale lea ma e 51 tausaga le matua, na fetoai ma le sedan sa iai i totonu le tamaititi 8 tausaga.

O le faalavelave na tupu i le taeao ananafi i Killarney Vale i Niu Sa Uelese lava. O le tamaitai foi e 42 tausaga sa aveina le taavale lea na iai le tamaititi ma sa faamanualia foi i le faalavelave.

E fitu moliaga ua faia nei i le tamatai 51 tausaga lea e faasuaava ma ua faaleaogaina lona laisene avetaavale.

E lei taliaina e leoleo lana talosaga e tatala i tua ma o le asō e tulai ai i luma o le faamasinoga i Newcastle.