Fai mai e tigaina manu’aga o le tagata na aafia i le faalavelave na tulai ai i Aukilani i Saute i le pitonuu o Manurewa ina ua feto’ai se uilaafi ma se taavale.
Fai mai leoleo na logoina latou i le faalavelave i le tea o le fitu i le taeao ananafi ma le faamatalaga e toatasi le tagata ua manu’a tigaina.
Sa tapunia ai le auala lea i Great South Rd i McAnnalley St ma fetuunaiga i feoaiga i Weymouth Rd ma Myers Rd.
Sa faailoa foi e le Auckland Transport i le lipoti a le One News sa iai fesuiaiga i feoaiga a pasi i le faaitu lea ona o lea faalavelave.
Faamaonia mai e le aufaigaluega a St Johns le tagata sa faamanu’alia na aveina atu i le falemai i Aukilani.
Faailoa mai e leoleo o le taimi nei o loo faagasolo pea suesuega i lea faalavelave.
