O loo iai nei i le falemai se alii e 32 tausaga le matua o loo manu’a tigaina i le mae’a o le faalavelave na aofia ai i le faaitu o Punchbowl i Sini.

Na valaau ane leoleo i le falemai i Canterbury i le lata i le 10 i le po o le Aso Toonai ina ua taunuu atu le tagata lea ma manu’aga e pei ona ta’ua.

Na aveina atu i le taavale a le falemai le tagata lea i le Roya Prince Alfred ma faia ai loa suesuega a leoleo i le nofoaga e masalomia sa faamanu’alia atu ai.

O loo feta’ua’ina foi i isi lipoti e foliga e masani le tagata ua aafia ma le tagata na faaooina iai ia manu’aga ma o loo faaauau iai suesuega.