O se tasi alii talenia ma lelei ile martial arts ma iai foi ona sootaga I le City Kickboxing e pei ona faailoa e le One news, ua lipotia mai o loo ise tulaga tigaina I le falemai ina ua faamanualia ise faaoogalima na faia I le ogatotonu o le aai I Aukilani.
O Fau Vake 25 tausaga ua lipotia sa aafia I se vevesi na tulai mai I Symonds Street ile taeao po o le aso sa na tea nei. Faaalia e se sooupu a leoleo o loo tigaina lea alii I le falemai I Aukilani e ui e iai nisi lipoti na agiga I le taeao e faapea ua uma lona soifua.
E toafa tagata o ni alii se toatolu e tai 29 tausaga ma seisi alii e 32 tausaga ua molia I lenei faalavelave. Matauina le tele o alofaaga ma feau faalototele a aiga ma uo ma le lautele mo sia alii talavou. O nisi iloga foi I le taaloga le UFC sa faamauina o latou alofaaga mo Vake ao tumutumu ai si ona aiga ma uo I le maota gasegase faatalia seisi lipoti mai le fomai.
