Ua vaaia i luga o televise ma upega tafailagi ata o tafega tetele o loo aafia ai nei nisi vaega o Vitoria ma Niu Sa Uelese ma ua ta’ua mai e silia ma le 220 tagata na laveaiina mai ai i nei nofoaga i totonu o le 24 itula talu ai.
O le faatanoa o Wyangala lea ua tatafe ane i nofoaga tuaoi ona o le mamafa o timuga i le Central West.
O vaalele helicopter ma vaa o loo faaaoga e feaveai ane ai tagata ma a latou meatotino.
Ua faaleagaina auala ma alalaupapa i taulaga ma e 120 lapataiga mo lologa o loo iai nei i setete ia e lua.
Ua faamatuu atu se poloaiga ia agai ese ai loa i latou o iai fale i Forbes ona o loo lapataia i lologa.
