Ua tetee le faitau selau ananafi i Napier ona o le lē malilie i le suiga ua fai mai ai o le a lē toe iai se urgent care service i auaunaga faalesoifua mālōlōina i taimi o le po ae suia aga’i i valaau i telefoni.
O le fuafuaga lenei a le Health NZ o lea ua faailoa mai e le Minisita o le Soifua Mālōlōina, Simeon Brown o le a iai tausi soifua faatasi ma le foma’i i taimi o le po, peitai e faatalanoa lea i luga o le telefoni.
Na ta’ua ai foi e le Minisita o auaunaga nei e mo urgent care ae lē o emergency care, ma o emergency care o lea e faia uma lava i le falema’i i Hawke’s Bay.
O loo tumau le talitonuga o le Minisita ia Brown o se suiga lenei mo tagata Napier ona o le a mafai ona maua e tagata fesoasoani i le falema’i lenei i Wellesley Rd, e 24 itula, 7 aso o le vaiaso.
E lē o fiafia iai tagata Napier ona o lea e lē iai se foma’i e faigaluega i taimi o le po mo siaki faia faafesaga’i.
Na savalia ai e le tusa ma le 250 tagata Napier auala ananafi ma o lea na o aga’i i le Napier Health.
Puna o Faamatalaga: Protest against overnight healthcare cuts: ‘It’s just wrong’ | RNZ News
