E lei fia auai nisi o tausi soifua poo nursers a o faia se latou fonotaga a le faalapotopotoga ananafi, ona o le tetee e mafua lava i o latou totogi, o lea na savavali ese ai isi tausi soifua i le lē fiafia tele.
O le fonotaga faaletausaga lenei na lauga ai le minisita o le matagaluega o soifua maloloina, Andrew Little, ma a o ia saunoa na tutulala’i atu ai tausi soifua e toalima i tua o le potu ma faaaliali atu pepa o loo tusia ai le aso 30 Tesema 2019, sa tatau ona sii ai o latou totogi,
Ma a o faasolo fesili ma tali i itu tau totogi, e lei mafai ona tatala tele i tua se tala mai le minisita ona o lea o loo i luma o le Tulafono.
Na ta’ua i le lipoti a le leitio a Niu Sila, e iai nisi na faaali finagalo e le o amanaia lava so latou leo.
