E lei manuia le lafo faatū mo le Pulega a Ueligitone ina ia teena le faatelēina o le malaevaalele i Ueligitone. O le lafo na faatū e le councillor o Iona Pannett ae faaluaina e le pulenuu o Sarah Free ma sa iloiloina i se fonotaga a le Pulega e lua itula na faia i le taeao nei.

Fai mai le ZB sa mananao nei councillors i le Council ina ia teena le faatelēina o le malaevaalele se’i vagana ua mafai e le Wellington International Airport ma kamupani vaalele, ona faaitiitia le carbon emission, faalelei le tulaga o le ea, faaitiitia air traffic noise, atoa ai ma le faaitiitia o taavale a tagata (private vehicles) e ese mai taavale la’upasese e agai atu ma agai ese mai ma le malaevaalele.

E lei lagolagoina e sui o le Council lea lafo faatū, ma ua faailoa ai e Pannett e iai matafaioi a le Council lea e aofia ai ma le faia o policy ma o le lagolago malosi foi mo taumafaiga faatatau i suiga o le tau, fai mai a ia ua tatau ona faatino se faiga i le mataupu lea o le master plan mo le malaevaalele.