Ua mae’a valaau mo le taimi muamua moliaga o le faia o gaioiga faaalatua poo le bribery faasaga i le sui faipule o Faleata 3 le tofa Lealailepule Rimoni Aiafi, ma ua tuuina atu ai e lana loia le tali tetee a le sui faipule.
Ua faailoa e le loia a le itu o loo tagi, le failautusi lea o le vaega faaupufai a le Faatuatua i le Atua Samoa ua Tasi, ua faatulaga nei le masina o Iulai e suesue ai molimau.
O se mataupu tau faamasinoga lenei o loo tuuaia ai le tofa Lealailepule ona o se gaioiga na ia tuuina atu ai ni tupe tai selau tala i ni tagata palota se toalua o le itumalo o Vaimauga 3, a o loma le palota laititi a lea itumalo na faia i le masina o Fepuari.
O se loia tutoatasi o loo finauina moliaga solitulafono o le bribery faasaga i le faipule ma ua ta’ua lea taualumaga tau faamasinoga o le private prosecution.
