O loo teena e le ami a Sudan faamatalaga e faapea na o latou faatinoina se osofa’iga i se falema’i tele i le itu i Sisifo o le atunuu e umia e le vaega a le Rapid Support Forces le RSF.
Ua faailoa i lipoti a le BBC faamatalaga mai le faauluuluga o le WHO e faapea e 64 tagata e aofia ai tamaiti na maliliu ai i osofa’iga ia ma le to’a 89 o loo manunu’a.
Ua faailoa e le WHO ua lava ia lea toto masaa ma ua tatau ona faamuta loa ia vesiga ua toeitiiti 3 tausaga o faia pea.
Fai mai le RSF o se drone a le ami a Sudan lea na aafia ai le falema’i i se aso o loo faamanatu ai e le faatuatuaga Musalemi le Festival of Eid.
Talu mai lava Aperila 2023 na amata ai feeseesea’iga i le va o le militeli a le atunuu ma le RSF, o ni vaega se 2 sa tutū faatasi i le 2021.
Ua silia i le 150 afe tagata ua maliliu talu mai ia vesiga ma le lata i le 12 miliona o tagata ua aga’i ese mai ma o latou aiga, tusa lea ua lata i le ⅓ o le faitau aofa’i o tagata i lea atunuu, lea fai mai Malo Aufaatasi o se matāupu tele lea e faatatau i tagata o le lalolagi.
Puna o Faamatalaga: https://www.bbc.com/news/articles/cr715xynkvvo
