E silia ma le tasi le afe tagata na auai faatasi ananafi e faaali lo latou tetee i fuafuaga e tuu ai i lalo le uafu fau laupapa i Petone, i Matu o Ueligitone.
O se tasi lea o fuafuaga mamao a le puleganuu a Hutt City o le tuu i lalo o le uafu ae toe fau, ma o le uafu lona lua lea i totonu o Niu Sila ua umi tausaga e tu ai ma e fau i laupapa, e pei ona fau ai i le 1890 ma toe faafou i le 1906.
Na tuufaatasi e le Save Petone Wharf le savali ananafi mai le falemataaga a le Petone Settlers Museum agai i le matafaga, ma o se faatasiga na unaia ai e i latou o loo tuufaatasia tagata lautele na auai e faaali finagalo i le avanoa ua tatala mai.
O le toatele o loo teena le tuu i lalo ae toe fau, e mafua ona o se nofoaga e manatua pea e lē gata i mātua a o fanau, ma e lē gata o le ausavavali na iai faatasi ananafi ae o lea foi na iai ma le aufaafiafia.
Puna o Faamatalaga: Hundreds rally to save Petone Wharf | RNZ News
