E toatele tagata Ueligitone o lea o le a see i le laasaga lona lua o sā o loo faia nei i le faaaogāina o le suavai.
E amata aloaia mai le Aso Lulu o le vaiaso fou ona aloaia le sā e lē mafai ai ona toe faaaogā sprinkers ma irrigation systems lea o loo fui ai togalaau i fale o aiga ma o Ueligitone, Porirua ma Upper Hutt lea o loo iai i totonu o le sā.
Mai le pulega o le suavai a Ueligitone le Wellington Water e lei faigofie le faaiuga ua faia peitai ua faia ona o loo tau faasoasoa le faaaogāina o le suavai.
Ua faamautinoa mai ai foi e mafai lava ona fui togalaau e faaaogā ai faagaau i soo se taimi, pau o lea e lē tatau ona tuusa’olotoina.
E lē o aofia ai pisinisi i le sā ua faailoa mai, ma ua toe faamanatu ai foi le pulega i pisinisi e tatau pea ona faasoasoa lelei le suavai.
Ae i liki ua toe maua nei, e silia ma le 3,000 liki i totonu o le taulaga faatau o Ueligitone ma o lea o loo galulue ai nei le Wellington Water e taofi.
