O iuga o ni suesuega sa faatino e uiga i sauaga i totonu o aiga, domestic violence i Niu Sa Uelese ua iloa ai e oo atu i le 14 miliona i le aso e faaalu mai le tamaoaiga o le Setete pe a oo i le 2026 i le mataupu lea. 

O sā o le faamai koviti ai sa matauina ai i lea suesuega le faatupulaia o sauaga i totonu o aiga ma fai mai e oo atu i le 106 afe tamaitai i Niu Sa Uelese sa aafia ai ni tulaga faapea pe o ni vevesi foi e tulai mai i aiga i le uluai tausaga o le faamai. 

Ua faailoa e se sui mai le Pulega o le setete o Niu Sa Uelese, Joanna Quilty e faapea o fesoasoani ma lagolago e tuuina i tulaga faapea e taua tele i le itu faalemafaufau, faaletino ma aafiaga foi i luga o upega tafailagi ma ua avea foi ma aafiaga i le tamaoaiga o le atunuu.