Ua faga i luga le numera o talosaga faaulu mo visa malaga e asiasi mai ai i Niu Sila.
O le matala ai o tuaoi o Niu Sila i soo se atunuu o le lalolagi e pei ona amata mai i le uluai aso o Aokuso, o le aso lava lea na maua ai le latalata i le 3,000 talosaga mo visa tafao ae latalata i le 700 visa mo fanau a’oga.
Fai mai le Immigration a Niu Sila o loo galulue malosi ia vave ona faagaioi visa tafao i totonu o le 20 aso faigaluega.
Ae e le’i oo mai i le Aso Gafua o le vaiaso nei, o lea sa na o pasese mai atunuu e lē moomia visa e ulufale mai ai i Niu Sila, ma o lea ua faaopoopo le pisi o le Immigration a o faamauina ai pe ā ma le 73% le faaopoopoga o talosaga ua iai nei pe a faatusa i le taimi a o le’i sau le Koviti.
