Ua maitauina le faateleina pea o le aofai o sailini faailo o le tsunami ua gaoia mai nofoaga i Aukilani ma fai mai le pulega a Aukilani o loo lamatia ai soifua o tagata.

Fai mai le faauluuluga o le Auckland Emergency Management, Adam Maggs o se tulaga le manuia tele lenei.

O sailini nei na faia faapitoa mo le faailo ai i tagata o ni tulaga lamatia ua iai ma e leai lava nisi ona aoga ma lē mafai foi ona ta ai ni musika. 

O ofisa o le faalapotopotoga lea i pitonuu e pei o Huia, Whatipu, Karekare, Piha ma Te Henga.

Fai mai leoleo e oo mai i le taimi nei e lei iai lava se isi ua molia i le mataupu lenei ma o loo faia pea foi suesuega.