O le a tele poloka a leoleo e faatutu solo, ma o lea foi ua iai suiga ina ia faafaigata ai ona iloa.
A o iai le toatele i fiafiaga ma pisi feoaiga, e le o malolo leoleo i le faia o la latou galuega ona o le toatele o avetaavale faasuaava.
E le gata i lea ae o le taumafai ia faasaoina soifua mai faalavelave tau taavale, e pei ona iai le 17 tagata maliliu i le taimi faapenei o le 2021 ma o i latou nei e fesootai maliu ma le ava malosi.
Ae ona o le tele o poloka a leoleo e toe salalau i luga o le social media ma vave iloa ai e ave taavale, o lea ua faamautinoa mai e le ofisa o le a iai suiga lea e le gata o le faia o poloka i le aoauli ae faapea le na o le ta’i 15 minute e faia ai ae siitia i se isi nofoaga fou.
