E tele miliona o le paketi a le malo o le a tuu ese auā aoga ua aafia i nofoaga na lolovaia.
E latalata i le $117 miliona le tupe o le a tuu ese e le gata mo le toe faaleleia o faleaoga, iloiloga poo saogalemu le toe fau o faleaoga i nofoaga nei na faaleagaina, atoa ai ma faleaoga o le a toe sui nofoaga e ave iai.
Fai mai le minisita o aoga, Jan Tinetti e le o faigofie i le malo le 500 o aoga North Island ua aafia ma o loo toe fia faafoi i le tulaga sa iai muamua.
I le vaevaeina o lea vaegatupe, o le $31 miliona e mo le toe faaleleia o faleaoga ma o loo moomia vave, $85 miliona e mo galuega faaauau a o toe faafoi ai fanau i aoga, ma le vaega mulimuli o le $700,000 mo le totogiina o faiaoga i totonu o le isi 2 tausaga.
O fesoasoani tupe ua faailoa mai e le gata mo galuega faaleleia, galuega faaauau ae faapea ai le totogiina o faiaoga a o iai i fesuiaiga.
