Fai mai ua lata i le piliona Amerika le tau o mea faaleagaina i Hawaii ona o uiga loulouā o le tau aemaise lava i timuga mamafa na lolovaia ai le tele o nofoaga i le motu o Oahu.
E silia i le 230 tagata na lavea’iina mai ia nofoaga e pei ona faamatalaina e le Kovana o Hawaii, Josh Green i le Hawaii News ma le BBC.
Ua faailoa o le to’atele o tagata na poloka i o latou fale ona o lōlōga ma ua faailoa ua logoina le Fale Pa’epa’e mo se fesoasoani ona o se tasi lea o lōlōga aupito ogaoga i le setete talu mai le 2004.
O loo faatalia le asia o mea uma ua faaleagaina ae o loo lapata’ia pea tagata ia faaeteete aemaise lava i le feoa’i i taavale.
O le mau a nisi e aumau i ia faaitu o Hawaii, faato’ā vaai lea i se tulaga faapea ua oo iai le motu aemaise o popolega i le faatanoa tele, le Wahiawa Dam e ono pa ma atili lolovaia ai nofoaga tuaoi.
Puna o Faamatalaga: https://www.bbc.com/news/articles/czxrdxn6qwqo
