O le maketi poo faalauiloa a le Asosi o le SWAG poo le Samoa Women Association of Growers ua avea lea ma avanoa lelei mo pisinisi laiti a le atunuu.
O lenei maketi e faia lea i le fale samoa a le Pulega o Tagata Tafafao Maimoa mai Fafo i faaiuga o vaiaso. I lipoti a le Samoa Observer ua faailoa ai e nisi o le au faipisinisi le manaia o lenei avanoa e faailoa ai a latou pisinisi e ala ia latoumea totō ma fualaau’aina.
O le toatele o nisi o loo faatalitali mo le vaitau o aso fiafia aua o le taimi lea e toatele ai tagata fai faatau i tai i le taulaga ma maua ai avanoa e faatau ai ma a latou oloa.
O le faamoemoe a le Asosi ina ia mafai e faipisinisi laiti a Samoa ona faalauiloa a latou atina’e ma mafai ona faatau e tagata o le atunuu oloa o loo gaosia ma maua i totonu o Samoa.
