E 1.4 piliona le polofiti ua maua a le kamupani vaalele a le Qantas mo le ‘afa o le tausaga faaletupe ma o se aofaiga tele lea. O le taeao analeila na faalauiloa mai ai lea tala fiafia mo le kamupani vaalele.

Fai mai le kamupani vaalele i le lipoti a le 9news e ui ua amata ona toe foi mai i se tulaga lelei auaunaga, peitai o le a faaauau pea ona tumau pasese mo faigamalaga i le tulaga o loo iai nei, ae lē o le taimi o le 2019 a o lei oo mai le faamai.

I se lauga a le Ofisa Sili o le kamupani vaalele Alan Joyce ua ta’ua ai o totogi o pasese mo malaga i Ausetalia na siitia i le 20 pasene i Ausetalia lava ia pe a faatusa i le 2021 e mafua mai ona o le siitia o le tau o le penisini ma fetuunaiga fou i le tulaga tau i le sapalai ma tulaga manaomia.