To’atele fanau aoga e talosaga mo meaai o loo maua i aoga a o faigata ai i aiga le taugata o le soifuaga ua iai. 

Lipotia e le leitio a Niu Sila e tusa ma le 80% o fanau aoga o se tasi o aoga tulagalua i Magele i Aukilani o loo faamoemoe i meaai nei, ma fai mai le sui o le pulega, o le mea moni e iai fanau e lē aai pe ana leai lenei fesoasoani. 

Ua sau ma lipoti o le to’atele o fanau e le gata e aai i meaai ua tapena e le aoga, ae toe faatalosaga e o ma ave i aiga. 

Mai le sui o le Lifewise, ua iai i taimi e moomia ai le faia o faai’uga lelei e le gata o meaai faatau mo le aiga ae o le totogiina o pili.