O le asō ua toe malaga ai le Palemia o Niu Sila, Christopher Luxon e auai i le fonotaga a ta’ita’i o le lalolagi o loo faia i Asia i le vaiaso nei.
O le fonotaga lenei a le East Asia Summit o se tasi o fonotaga faaletausaga e na o ta’ita’i o malo, ma o ta’ita’i foi nei mai atunuu tetele.
Ae e le’i malaga Luxon na ia ta’ua o se avanoa lelei tele mo Niu Sila e faalautele atu ai Niu Sila aemaise lava i itu tau fefaataua’iga.
O le malaga foi lenei ua ta’utino le Palemia o le a ia faaaogāina o se avanoa e toe una’i ai faiga faapaga a Niu Sila ma le ASEAN poo le li’o o loo iai I totonu setete e 10 mai le Southeast Asia.
O le isi atunuu tele o le a auai i le fonotaga i Laos o Initia ma na ta’ua e Luxon o loo taumafai ia maua se taimi e talanoa faafesaga’i ai e lē gata o le maliega mo fefaataua’iga sa’oloto o loo taumafai nei i le va o atunuu e lua, ae faapea ai ma faigamalaga.
Puna o Faamatalaga: https://www.nzherald.co.nz/nz/politics/christopher-luxons-trip-to-east-asia-summit-laos-is-hugely-valuable-opportunity-for-economy-security/J776ULPM4BEEDG5PEWXH6M7WAE/
