Ua faatu le matatia i lenei tausaga i tupe faaalu a tagata i faatauga o le Boxing Day, e ui e le faatusalia i tupe na faaalu i faatauga o le Black Friday.
Ua faamauina e le Worldline tupe faaalu lava ia i na o faleoloa tetele e silia ma le $100 miliona tupe na alu i faatauga a tagata Niu Sila, e tusa lea ua alu i luga i le 2.6% pe a faatusa i le tausaga talu ai ae 3.1% pe a faatusa i le 2019.
O tagata Aukilani o loo maualuga ai lava faatauga lea e silia ma le $40 miliona, sosoo ai tagata Canterbury e silia ma le $12 miliona.
Peitai, i faamaumauga e le faatusaina i tupe na faaalu e tagata i faatauga o le Black Friday.
I totonu o le ono vaiaso a o lei oo mai i le Kerisimasi, na faaaluina e tagata Niu Sila le $5.21 piliona.
