Ua saunoa le faipule o le National, Chris Bishop e faapea o le fofoga fetalai o le maota, Trevor Mallard ua lusi ai le faatuatuaga o le vaega faaupufai ona o trespass notices ua tuuina I faipule na asia le nofoaga na faia ai le solo tetee ile palemene I le amataga mai o le tausaga.

O poloaiga ia sa faia ile vaiaso nei agai I le sa avea ma sui palemia o le atunuu I le taimi ua sola, Winston Peters ma isi tagata e toaono e aofia ai ma isi faipule o le palemene ma o ia poloaiga na toe aveesea I le aso ananafi.

Ua lipotia ile One News se faamatalaga a Mallard na faia I le vaiaso nei lava ua ia tuuina le pule I sekulati a le palemene e faia ai faaiuga faatatau I trespass notices ia, o se vaega emafai ona faataga I lalo o le vaega 26 o le Tulafono o Auaunaga tau Palemene 2000.

Fai mai sui o le ACT ele o se mataupu e faatatau I le suia o le system ae o le sui ole tagata e tauaveina lea tofiga. Lipotia e le  o fia faia se saunoaga a le fofoga fetalai I le mataupu lea agai I le televise a niusila ma isi ofisa faasalalau.

O le vaiaso nei na valaau ai foi Winston Peters mo se palota le faatuatuaina faasaga I le fofoga fetalai mae le o le uluai taimi lea ua laga ai se manatu I lea tulaga.