E manatu se tasi o tagata suesue sinia mai le Pacific Islands Forum Secretariat o Dr Fiona Hukula e tele le aafiaga na vaaia o le faamai Koviti-19 i atumotu o le pasefika ae ua mai foi ona toe foi le toatele i auala o le soifuaga na masani ma soifua mai ai i tausaga ua mavae.
Ua lipotia i le RNZ Pacific se finagalo faaalia o Dr Fiona e faapea i le vaitaimi o le tetele o le faamai sa maitauina le toe tomanatu o le toatele i lo latou faalagolago i taumafa e aumaia i le atunuu, imported goods ma o isi atunuu e pei o Fiti, mo se faataitaiga sa vaaia le toe faaolaola mai o taumafa masani a le atunuu latou e maua i ona laufanua ma faailoa foi e Dr Fiona e sili atu lea ona tele aoga faale soifua maloloina mai taumafai nei faatusa i le faalagolago i oloa ma taumafa e aumai mai atunuu i fafo.
Fai mai Fiona ma le latou ausuesue, o le faamautinoa o loo taumafa meaai e lelei mo le soifua maloloina o le e pasefika e maua mai i ona laufanua ma itiiti le faamoemoe i oloa ma taumafa auina atu i le pasefika, e taua tele lea ma o le a fesoasoani foi i le taugata o le soifuaga o loo iai nei, ma o se itu foi o le a fesoasoani ai i le tulaga o le tau.
O le tausaga na tea nei pei ona ta’ua i le lipoti e tusa ma le 54.2 pasene o oloa na auina atu i totonu o Samoa.
