Ua lipotia le faate’ia o le Outdoors and Freedom Party i le folasaga a le ta’ita’i o le Destiny church Brian Tamaki i le aso ananafi e faatatau i so latou sootaga ma le latou pati fou na folasia, le Vision NZ.
Ta’ua e le stuff.co..nz se faamatalaga a le peresetene o le Outdoors and Freedom Party, Alan Simmons e le’i faia se faai’uga a le latou pati e auai ai i le alliance poo le soofaatasi lea pei ona ta’ua e Tamaki.
Fai mai Simmons ua to’atele sui o le latou pati ua le fiafia ma ua iai foi isi ua faamavae ona o le manatu ua auai latou ile soofaatasi lea pei ona folafola e Tamaki.
O le New Nation Party latou ia ua o latou faamaonia ua o latou auai i le Vision NZ pei ona folasia e Tamaki.
