O loo teena e le tamā ua molia i le ave faamalosi ma fasiotia le tina faatau fale Kalaiesetete ia Yanfei Bao, moliaga faasaga ia te ia.
O le aso ananafi na faaopoopo ai moliaga o le fasioti tagata i le tamā 52 tausaga ma i lona toe tulai i luma o le faamasinoga ananafi, na ia teena ai moliaga uma e lua.
E oo mai i le taeao nei e lei maua lava le tino o Yanfei, ma o lea ua faalauiloa e leoleo le suo faapea ofu na laeiina e lē ua molia i le mataupu lenei.
O loo iai le talitonuga o le ofisa o le suo ma ofu o lea na tia’i i le taulaga i le va o le aso 19 ma le 22 o Iulai, ma ua valaau mai ai i tagata e fesoasoani atu i le tau sailiga e ala i le fesootai atu pe a silafia nisi faamatalaga.
O loo faaauau pea ona taofia i lalo o vaavaaiga a leoleo lē ua molia, talia lona toe tulai i le aso muamua o Setema.
